Юртдошларимизнинг ҳаётдан мамнун бўлиб яшашларида кўмак

9

Республикамиз бўйлаб ҳудудлар ободлиги йўлида самарали ишлар олиб борилмоқда. Бу борадаги ўтказилаётган тадбирларда юрт ўғлонларининг ҳам ҳиссаси катта. Бугун Жануби-ғарбий махсус ҳарбий округ тасарруфидаги Қашқадарё вилояти ҳарбий қисмлари томонидан ҳашарлар ташкил этилди. Қарши шаҳри “Табассум” маҳалласида бўлиб ўтган ободонлаштириш ишларида Қарши гарнизонидан 200 нафар ҳарбий хизматчилар фаол иштирок этди. Тадбир давомида маҳаллалардаги сув йўли ариқлари тозаланиб, дарахтлар оқланди. Жами 3 минг дона мевали ва манзарали дарахтлар ва гуллар экилди. Таълим муассасалари ва аҳоли хонадонлари жойлашган кўчалар ободонлаштирилди.

Ушбу хайрли ишларда чиқиндилар махсус жойларга чиқарилди ва аҳолига қулайлик яратилди.
Ватан посбонларининг кўрсатаётган бундай жонбозликлари юртдошларимизнинг ҳаётдан мамнун бўлиб яшашларида хизмат қилиши шубҳасиз.
Бу каби тадбирлар вилоятнинг бошқа туманларида ҳам ўтказилмоқда.

Жануби-ғарбий махсус ҳарбий округ матбуот хизмати