Termiz va Xayrobod garnizonlarida joylashgan harbiy qismlar, Termiz harbiy prokuraturasi, Muzrabod tumani hokimligi, Surxondaryo viloyatidagi boshqa kuch tuzilmalar bilan hamkorlikda viloyatning chegara oldi hududida harbiy-vatanparvarlik festivali boʻlib oʻtdi.
Festival doirasida harbiy orkestr tomonidan ijro etilgan kuy-qo‘shiqlar va 28-sonli umumtaʼlim maktabi oʻquvchilari tomonidan tayyorlangan konsert dasturlari yig‘ilganlar qalbidan chuqur joy oldi.
Xizmat itlari, Faxriy qorovul shaxsiy tarkibining koʻrgazmali chiqishlar, qurol-aslaha va harbiy texnika koʻrgazmasi yoshlarda harbiylikka boʻlgan qiziqishini yanada orttirib, ularga unutilmas taassurotni taqdim etdi.
