O‘zbekiston Respublikasi Mudofaa vazirligi qoʻshinIarida oʻtkaziIgan “Eng ilgʻor oʻquv markazi (baza)” koʻrik-tanlovining vazirlik bosqichi gʻolib va sovrindorlari taqdirlandi.
Joriy yilning avgust—sentabr oylarida Mudofaa vazirligi miqyosida “Eng ilgʻor oʻquv markazi (baza)” koʻrik-tanlovi o‘tkazildi. Sogʻlom raqobat muhitida tashkil etilgan mazkur tanlovda ishtirokchilarning gʻalabaga boʻlgan intilishlari har bir shartda odilona baholab borildi.
Ko‘rik-tanlov davomida harbiy xizmatchilar quyidagi shartlar bo‘yicha baholandi:
- O‘quv-tarbiyaviy jarayoni, jangovar va maʼnaviy-maʼrifiy tayyorgarligini rejalashtirish va tashkil etish;
- doimiy tarkibning kasbiy tayyorgarligi;
- ratsionalizatorlik ishlari holati.
Yakuniy natijalarga koʻra “Eng ilgʻor oʻquv markazi (baza)” koʻrik-tanlovida Togʻ tayyorgarligi oʻquv-mashgʻulot markazining “Saridala” oʻquv bazasi jamoasi 1-o‘rinni qo‘lga kiritdi. G‘oliblar I darajali diplom va qimmat baho sovgʻalar bilan taqdirlandi.
