Mustaqillik bayrami eng ulug‘ va eng aziz bayramlardan biridir. Erkin, obod va farovon hayot qurish yo‘lidagi barcha muvaffaqiyatlarimiz aynan istiqlol yillarida qo‘lga kiritilgan. Vatanimizning 32 yillik mustaqillik bayrami “Yangi hayot uchun, Yangi Oʻzbekiston uchun!” shiori ostida barcha harbiy okruglarda ham keng nishonlanmoqda.
Tadbirlar davomida davlat mukofotlari hamda mudofaa vazirining buyrug‘i bilan taqdirlangan harbiy xizmatchilar va Qurolli Kuchlar xizmatchilariga o‘z mukofotlari tantanali ravishda topshirilyapti.
Sana munosabati tashkil etilayotgan bayram shodiyonasida faxriylar va muayyan yutuqlarga erishgan bir guruh harbiy xizmatchilar ko‘krak nishonlari, navbatdagi harbiy unvonlar va esdalik sovg‘alar bilan ham taqdirlandi.
