Bu yil oliy harbiy taʼlim muassasalarini tamomlab, Shimoli-gʻarbiy harbiy okrug qoʻshinlariga kelgan yosh ofitserlar bilan oʻquv-uslubiy yigʻin yakunlandi.
Nazariy mashgʻulotlar “Nukus” umumqoʻshin poligonida amaliy mashgʻulotlarga ulandi. Yosh leytenantlar u yerda jangovar tayyorgarlik mashgʻulotlarida ishtirok etib, oʻq otishdan amalda sinovlarni topshirdi.
Yigʻin soʻnggida barcha oʻtilgan jangovar va maʼnaviy-maʼrifiy tayyorgarlik fanlaridan nazorat sinovlari qabul qilindi.
Ayni vaqtda yigʻin yakuni boʻyicha yosh ofitserlar bilan Shimoli-gʻarbiy harbiy okrug qoʻshinlari qoʻmondoni general-mayor Farhodjon Shermatov suhbat oʻtkazmoqda. Suhbatda qoʻmondon yosh harbiy xizmatchilarga tezroq kasb sirlarini oʻrganib, sohasining yetuk mutaxassisi boʻlishiga tilak bildirdi.
Yosh leytenantlarga koʻmak sifatida jangovar va maʼnaviy-maʼrifiy tayyorgarlik fanlarini oʻzida mujassam etgan maʼlumotlar va har bir ofitser uchun dasturilamal boʻlib xizmat qilayotgan harbiy okrugda yaratilgan oʻquv-uslubiy toʻplamlar taqdim etildi.
Shimoli-g‘arbiy harbiy okrug matbuot xizmati