Fargʻona shahrida respublikamizning barcha kuch tuzilmalari tasarrufidagi harbiy-akademik litseylar kursantlari ishtirokida “Vatanparvarlar” harbiylashtirilgan sport musobaqalari boʻlib oʻtdi.
Ishtirokchilar “Harbiy-sport koʻpkurashi kompleksi”, “Harbiylashtirilgan estafeta”, “Milliy kurash” va “Oʻq otish” harbiy-sport turlari boʻyicha bellashdi.
Qizgʻin bahslarga boy boʻlgan musobaqalar yakuni hamda gʻoliblarni taqdirlash marosimi Sharqiy harbiy okrug Maʼnaviyat va maʼrifat markazida boʻlib oʻtdi.
Tantanali tadbirda Sharqiy harbiy okrug qoʻmondonligi, harbiy-akademik litseylar vakillari, “Vatan tayanchi” bolalar va oʻsmirlar harbiy-vatanparvarlik harakati rahbari hamda keng jamoatchilik ishtirok etib, musobaqa qatnashchilarinining jamoaviy jipsligi va uyushqoqlik bilan harakat qilganini eʼtirof etdi.
Yakuniy natijalarga koʻra, umumjamoa hisobida Fargʻona “Temurbeklar maktabi” harbiy-akademik litseyi jamoasi mutlaq gʻolib deb topildi hamda diplom, medal va esdalik sovgʻalar bilan taqdirlandi.
Sharqiy harbiy okrug matbuot xizmati