Mudofaa vazirligi Axborot-kommunikatsiya texnologiyalari va aloqa harbiy institutida o‘tkazilgan tadbirda tabiiy va texnogen ofatlar vaqtida zudlik ko‘riladigan choralar, har bir fuqaro bilishi zarur bo‘lgan harakatlar to‘g‘risida ma’lumot berildi.
Shuningdek, Xayrobod garnizonida harbiy xizmatchilarning oila a’zolari bilan profilaktik suhbatlar o‘tkazildi. Suhbatlar davomida tegishli mutaxassislar tomonidan zilzilalar vaqtida amalga oshiriladigan ishlar bo‘yicha tushuncha va tavsiyalar berilib, ularning uy-joylari xavfsizlik qoidalariga qay darajada talabga javob berishi ko‘zdan kechirildi.
