Mudofaa vazirligiga qarashli Farg‘ona viloyati Farg‘ona shaharida joylashgan harbiy qismda tabiiy va texnogen holatlarning oldini olishga qaratilgan profilaktik tadbir bo‘lib o‘tdi.
Hayotimizda sodir bo‘ladigan turli ofatlarning oldini olish va ulardan keladigan zararni kamaytirish chora-tadbirlarini ko‘rish muhim masalalardan biridir. Dunyoda ilmiy texnika taraqqiyoti qanchalik rivojlanmasin, tabiat va inson o‘rtasidagi ayrim muamolar, jumladan, tabiiy ofatlar xavfi yildan-yilga ortib, jiddiy talafotlarga sabab bo‘lmoqda.
Keyingi vaqtlarda yer kurrasida sodir bo‘lgan voqealar: Osiyo qit’alaridagi kuchli zilzila va sunamilar, Amerika va Yevropadagi suv toshqinlari, Rossiya va Turkiyadagi yong‘inlar ayrim tabiat hodisalari oldida insoniyat birmuncha ojizligi, yetarli darajada tayyor emasligini ko‘rsatdi.
Shu munosabat bilan Mudofaa vazirligiga qarashli harbiy qismlarda boshqa kuch tuzilmalari bilan hamkorlikda tabiiy ofatlar, xususan, zilzilalar vaqtida qanday harakat qilish kerakligi bo‘yicha tadbirlar tashkil etilmoqda.
Sharqiy harbiy okrug matbuot xizmati
