O‘zbekiston Respublikasi Mudofaa vazirligi harbiy xizmatchilari Qozogʻiston Respublikasida bir necha kun davom etadigan “Birlestik-2024” mintaqaviy xalqaro o‘quvlarida ishtirok etish uchun “Oymasha” poligoniga yetib bordi.
O‘quvlar “Oymasha” poligoni va Toʻqmoq burnidan 2 kilometr uzoqlikdagi dengiz maydonida oʻtkazilmoqda. 17-iyulgacha harbiylar qurolli mojaroni bartaraf etish boʻyicha qoʻshma operatsiyani oʻtkazadi. Unda Oʻzbekiston va mezbon davlatdan tashqari Ozarbayjon, Qirgʻiziston va Tojikiston harbiylari ham qatnashmoqda.
Mazkur hamkorlikdagi xalqaro oʻquvda boshqa davlatlar armiyasi bilan tajriba almashish, sodir boʻlishi mumkin boʻlgan turli keskin vaziyatlarga doimo shay turish, eng soʻnggi texnologiyalar yordamida harbiy xizmatchilar koʻnikmalarini muntazam oshirishga alohida eʼtibor qaratilyapti.
Mudofaa vazirligi Axborot va ommaviy kommunikatsiyalar departamenti