Prezident Shavkat Mirziyoyev va Prezident Vladimir Putin Oʻzbekiston Respublikasi bilan Rossiya Federatsiyasi oʻrtasida keng qamrovli strategik sheriklik toʻgʻrisidagi deklaratsiyani imzoladilar.
Marosim Samarqanddagi samarali muzokaralar yakunida boʻlib oʻtdi.
Mazkur deklaratsiya Oʻzbekiston va Rossiyaning koʻp qirrali hamkorligi rivojida yangi bosqich boshlanganidan dalolat beradi. Unda oʻzaro aloqalarga alohida eʼtiborga molik yaqin va jadal hamkorlik sifatida qaralishi qayd etilgan.
Xususan, siyosiy, savdo-iqtisodiy, atom energetikasi, transport, madaniy-gumanitar va boshqa sohalardagi hamkorlikni aniq yoʻnalishlar asosida rivojlantirish koʻzda tutilgan.
Umuman, Oʻzbekiston–Rossiya munosabatlarining shartnomaviy-huquqiy asosini 350 dan ziyod hujjat tashkil qiladi.