Harbiy xizmatchilar munosib taqdirlandi

9

Havo hujumidan mudofaa qo‘shinlari va Harbiy havo kuchlari qo‘mondonligi madaniyat markazida O‘zbekiston Respublikasi Qurolli Kuchlari tashkil etilganligining 28 yilligi hamda 14 yanvar – Vatan himoyachilari kuni munosabati bilan bir guruh harbiylarni taqdirlash tadbiri o‘tkazildi.

Tadbirda Mudofaa vazirining o‘rinbosari, Havo hujumidan mudofaa qo‘shinlari va Harbiy havo kuchlari qo‘mondoni general-mayor Axmad Burxonov ishtirok etib, yig‘ilganlarni bayram bilan qizg‘in tabrikladi. Shuningdek, u 2019 yil Havo hujumidan mudofaa qo‘shinlari va Harbiy havo kuchlari tizimida erishilgan yutuq va kamchiliklarga ham alohida to‘xtalib, o‘tish jarayonida qo‘lga kiritilgan muvaffaqiyatlarda o‘zini ko‘rsatgan harbiy xizmatchilarga tashakkur bildirdi.

Shundan so‘ng, bir guruh harbiy xizmatchilarga mukofotlar tantanali ravishda topshirildi.
Tadbirning madaniy qismiga bag‘ishlangan dastur davomida O‘zbekiston Respublikasi Qurolli Kuchlari Markaziy ashula va raqs ansamblining xonandalari ishtirokida konsert dasturi namoyish etildi.

Mudofaa vazirligi Axborot va ommaviy kommunikatsiyalar departamenti