Angren shahridagi harbiy qism tashkil topganiga 20 yil to‘ldi

5

Angren shahridagi harbiy qism 1994-yilda O‘zbekiston Respublikasi Mudofaa vazirining direktivasiga asosan 391-alohida mexanizatsiyalashgan polk mexanizatsiyalashgan brigada sifatida qayta tashkil etilgan.

Ushbu harbiy qism bo‘linmalari dushmanning havodan va yerdan kelayotgan kuchlarini barbod etish uchun yangi qurol-yarog‘, harbiy texnika bilan jihozlangan bo‘lib, jangovar va ma’naviy-ma’rifiy tayyorgarlik mashg‘ulotlarida yuqori natijalarga erishib kelmoqda.
To‘pchilar divizion, Razvedka bataloni va zenitchilar batareyalari, kimyodan muhofaza vzvodi bo‘linmalari okrug miqiyosida o‘tkazilayotgan kasbiy musobaqalarda ishtirok etib, faxrli o‘rinlarni egallab kelmoqda.

Ta’minot bo‘linmalarmiz ham barcha imkoniyatlarini ishga solgan holda qism jangovar shayligini saqlab kelmoqdalar.

O‘tgan yillar mobaynida harbiy qism qator mashaqqatli, lekin faxrli yo‘lni bosib o‘tdi. Harbiy xizmatchilar o‘zlarining yuqori kasbiy tayyorgarlikka ega ekanliklarini namoyish etib, 2017—2018-o‘quv yilining yakuni bo‘yicha O‘zbekiston Respublikasi Qurolli Kuchlari miqiyosida “Eng ilg‘or qo‘shilma” deb topilib, “Ko‘chmas kubok” bilan taqdirlandi.

Bugungi kunga kelib harbiy qism o‘z oldiga qo‘ygan vazifalarni to‘liq bajarishga qodir, shaxsiy tarkib jangovar va ma’naviy-ma’rifiy tayyorgarligi, harbiy intizomi, qolaversa, barcha sohalarda ulkan natijalarni qo‘lga kiritib kelmoqda.

Bayramona tadbirda Toshkent xarbiy okrugi qo‘shinlari qo‘mondonining tarbiyaviy va mafkuraviy ishlar bo‘yicha o‘rinbosari polkovnik Baxtiyor O‘ralboyev, Angren shahar hokimi Shukurulla Maxmudov, Qurolli Kuchlar faxriylari va boshqalar ishtirok etishdi. Tadbir davomida konsert dasturi va bayromona dasturxon tashkil qilinib, harbiy xizmatchilarga xursandchilik ulashildi.

Mudofaa vazirligi Axborot va ommaviy kommunikatsiyalar departamenti