Oʻzbekiston Respublikasi Mudofaa vazirligi rahbariyati tomonidan oddiy askar va serjantlar tarkibiga mansub kontrakt boʻyicha harbiy xizmatchilarning kasbiy mahoratlarini yanada oshirish, jangovar tayyorgarlik tadbirlarini sifatli tashkillashtirish va oʻtkazishga zarur shart-sharoitlar yaratilgan.
Mudofaa vazirligi qoʻshinlaridagi yoʻriqchi-serjantlarning oʻz boʻysunuvchi boʻlinmalarida mutaxassislarni sifatli oʻqitishni taʼminlash, qoʻshinlar jangovar tayyorgarlik darajasini oshirish hamda yoʻriqchi-serjantlarning tayyorgarlik darajasini va amaliy koʻnikmalarini yanada oshirish maqsadida “Forish” togʻ oʻquv poligonida yoʻriqchi-serjantlar bilan oʻquv-uslubiy yigʻin oʻtkazilmoqda.
Oʻquv-uslubiy yigʻinning asosiy vazifalari quyidagilardir:
- yoʻriqchi-serjantlarning kasbiy mahoratlari va amaliy koʻnikmalarini oshirish;
- jangovar tayyorgarlik tadbirlarini tashkillashtirishda va shaxsiy tarkibni oʻqitishda yoʻriqchi-serjantlarning uslubiy bilimlarini takomilashtirish;
- har bir yoʻriqchi-serjantning kasbiy tayyorgarlik darajasini aniqlash;
- yoʻriqchi-serjantlarning yetakchilik va uslubiy tayyorgarlik qobiliyatlarini takomillashtirish;
- yoʻriqchi-serjantlarning oʻz kasbiga boʻlgan sadoqat hissini yanada oshirish.
Oʻquv uslubi yigʻin 10 kun davom etadi.
Markaziy harbiy okrug matbuot xizmati