Informatika fani bo‘yicha xalqaro olimpiadaning Mudofaa vazirligi bosqichi o‘tkazildi

321

O‘zbekiston Respublikasi mudofaa vazirining “O‘zbekiston Respublikasi Mudofaa vazirligi oliy harbiy ta’lim muassasalari kursantlari jamoalarining fan olimpiadalariga tayyorgarlik ko‘rish va uni o‘tkazish to‘g‘risida” gi buyrug‘iga asosan, joriy yilning 29 noyabr – 3 dekabr kunlari Mudofaa vazirligi Axborot-kommunikatsiya texnologiyalari va aloqa harbiy institutida oliy harbiy ta’lim muassasalari kursantlari jamoalari o‘rtasida informatika fani bo‘yicha xalqaro olimpiadaning mudofaa vazirligi bosqichi bo‘lib o‘tdi.

Xalqaro olimpiada uch turda o‘tkazildi:

  • Birinchi tur – dasturiy mahsulotlarni qo‘llash bo‘yicha kompleks topshiriq bajarish;
  • Ikkinchi tur – yuqori darajadagi dasturlash tilida topshiriqlar bajarish;
  • Uchunchi tur – yagona taktik fonda dasturiy ta’minot yordamida kompleks topshiriqlarni bajarish.

Xalqaro olimpiada yakuniga ko‘ra, faxrli I o‘rinni Mudofaa vazirligi Axborot-kommunikatsiya texnologiyalari va aloqa harbiy instituti kursantlari jamoasi qo‘lga kiritdi. II o‘rin esa Qurolli Kuchlar akademiyasi kursantlari jamoasiga nasib etdi. III o‘rinni Chirchiq oliy tank qo‘mondonlik-muhandislik bilim yurti kursantlari jamoasi egalladi.

Olimpiada g‘olibi bo‘lgan Axborot-kommunikatsiya texnologiyalari va aloqa harbiy instituti kursantlari jamoasi 2022-yilda bo‘lib o‘tadigan Mustaqil Davlatlar Hamdo‘stligi oliy harbiy ta’lim muassasalari o‘rtasidagi informatika fani bo‘yicha xalqaro olimpiadada ishtirok etadi.

Mayor Sherqo‘zi HAKIMOV