Sharqiy harbiy okrug qoʻshinlari Fargʻona dala oʻquv maydonida ikkita obyekt harbiy xizmatchilar uchun tantanali ravishda foydalanishga topshirildi.
Ta’kidlash kerakki, yangidan qurilgan “Qoʻmondonlik kuzatuv punkti” va “Jangovar mashinalar direktrisasi” minoralari zamon talablariga javob beradi hamda barcha qulayliklarga ega. Mazkur binolar qisqa fursat davomida mustahkam va dala sharoitiga chidamli qilib barpo etildi.
“Qoʻmondonlik kuzatuv punkti”da oʻquv sinfi, madaniy hordiq xonasi hamda taktik mashgʻulotlarni kuzatish va boshqarish uchun moʻljallangan xonalar mavjud. “Jangovar mashinalar direktrisasi” ham barcha qulayliklarga ega bo‘lib, mashgʻulotlarni toʻliq kuzatish imkoniyatini beradigan xonalarga ega. Shunindek, oʻquv binosi hamda yozgi dam olish joylari ham bunyod etilgan, bu esa harbiy xizmatchilarga bir qator qulayliklar taqdim etadi.
Mazkur binolarning ochilish marosimida Sharqiy harbiy okrug qoʻshinlari qoʻmondonligi, harbiy xizmatchilar, harbiy orkestr jamoasi hamda muddatli harbiy xizmatchilar ishtirok etdi. Qurilish jarayonlarida jonbozlik koʻrsatgan harbiy xizmatchilarning mehnatlari alohida eʼtirof etildi. Yaratilayotgan bundan imkoniyatlar yurt posponlarining amaliy mashgʻulotlarda yanada koʻproq bilim va koʻnikmalarga ega boʻlishlariga xizmat qilishi ta’kidlandi.
Sharqiy harbiy okrug matbuot xizmati
