Bugun, 2-iyul – O‘zbekiston Respublikasi Davlat gerbi qabul qilingan kun. Sana munosabati bilan Mudofaa vazirligi tasarrufidagi harbiy qism va muassasalarda xizmat qilayotgan harbiy xizmatchilar, kursantlar, Qurolli Kuchlar faxriylari hamda ishchi xizmatchilari joylarda keng jamoatchilik vakillari bilan targ‘ibot tadbirlarini olib bordi.
Xususan, erta tongdan boshlangan bayram tantanalarida armiya va xalq yakdil bo‘lib, “Davlat gerbi — mustaqillik timsoli” shiorini baralla kuylashdi. Joylarda markaziy ko‘chalar bo‘ylab “Vatanparvar avtokarvoni” harakatlandi, harbiy orkestr jamolari esa konsert dasturlari namoyish etdi. Bundan tashqari faol va iqtidorli yoshlar ishtirokida sport o‘yinlari, turli ko‘rik-tanlovlar, marafonlar o‘tkazildi.
Mudofaa vazirligi tasarrufidagi harbiy qism va muassasalarda xalqimizning shon-sharafi, g‘ururi, tarixiy xotirasi va intilishlarini o‘zida mujassamlashtirgan gerbimizning 30 yilligi tantanalari ko‘tarinki ruhda davom etmoqda.
Mudofaa azirligi Axborot va ommaviy
kommunikatsiyalar departamenti