“Энг яхши саф қўшиғи” кўрик-танлови ўтказилди

Ўзбекистон Республикаси Қуролли Кучлари Кичик мутахассисларни тайёрлаш марказида “Жонажон Ўзбекистоним, мангу бўл омон!” шиори остида  “Энг яхши саф қўшиғи” кўрик-танлови бўлиб ўтди.

Бу ҳақда марказ пресс-атташеси шартнома бўйича ҳарбий хизматчи, оддий аскар Хайрулло Ўлмасов хабар берди.

“Энг яхши саф қўшиғи” кўрик-танлови взводлар ҳамда курслар ўртасида ўтказилди. Саф қўшиқларининг барчаси ватанпарварлик руҳида бўлиб, уни эшитган ҳар бир инсоннинг она Ватанга бўлган муҳаббати, садоқати янада ортиши табиий.

Взводлар ўртасида 2-ўқув взводи ғолиб деб топилган бўлса, курслар ўртасида эса 1-ўқув курси биринчи ўринга эгаллади.

Ғолиблар марказ қўмондонлиги томонидан Фахрий ёрлиқ ва эсдалик совғалари билан тақдирланди.

Мудофаа вазирлиги ахборот ва оммавий коммуникациялар департаменти