Toshkent shahar mudofaa ishlari boshqarmasi to‘liq rekonstruktsiya qilinib, yangicha dizayn va formatda ish boshladi

16

Bugun 29 avgust kuni yangicha dizayn va formatda to‘liq ta’mirlanib, rekonstruktsiya qilingan Toshkent shahar mudofaa ishlari boshqarmasi binosining ochilish marosimi bo‘lib o‘tdi.

Tantanali tadbirni Toshkent harbiy okrugi qo‘shinlari Qo‘mondoni polkovnik Zokirjon Sayfudinov ochib berib, ushbu yangi bino yoshlarimizga vatanparvarlik ruhini bera oldigan ilk ostona ekanini ta’kidlab o‘tdi.

Tadbirda so‘z olgan keksa faxriylar, mas’ul ofitserlar ushbu muhtasham va ko‘rkam bino ulug‘ bayram arafasida barchani birdek quvontirganini aytib o‘tishdi.

Ma’lumot uchun Toshkent shahar mudofaa ishlari boshqarmasi binosi 2019 yil iyun va 2020 yil fevral oyi davomida to‘liq ta’mirdan chiqarilib, rekonstruktsiya qilindi. Boshqarma zamonaviy texnologiyalar bilan ta’minlandi, ya’ni ma’lumotlar bazasi, monoblok kompьyuterlar, Mudofaa vazirligi, Toshkent harbiy okrugi, Toshkent shahar hokimiyati va tuman mudofaa ishlari bo‘limlari bilan videselektor aloqalari o‘rnatildi. Server, bazaviy ma’lumotlar, tiplovizor, turniket va xizmat mashinalari bilan ta’minlangan.

Toshkent harbiy okrugi Matbuot xizmati