Harbiylar saxovat ila oqibat koʻrsatishda davom etmoqda

1

Mudofaa vazirligi Toifalangan obyektlarni qoʻriqlash qoʻshinlari qoʻmondonligining Navoiy viloyati, Karmana tumani va Uchquduq shahrida joylashgan harbiy qismlari shaxsiy tarkibi “Saxovat va koʻmak” umumxalq harakati xayriya tadbirlarida faol ishtirok etmoqdalar.

Harbiylar hamkor tashkilotlar bilan birgalikda joylardagi ijtimoiy himoyaga muhtoj oilalar holidan xabar olib, ularga moddiy va maʼnaviy koʻmak berishmoqda. Oziq-ovqat mahsulotlari, gigiyenik vositalar hamda xoʻjalik mollari shubhasiz, ehtiyojmand oilalarning uzogʻini yaqin qilib, kundalik ehtiyojlariga yaraydi.

Ahillik va hamjihatlik bor joyda baraka boʻladi, deydi xalqimiz. Qoʻmondonlik oʻgʻlonlari ham ana shu naqlga amal qilgan holda, saxovat ila oqibat koʻrsatishda davom etmoqda.

Toifalangan obyektlarni qoʻriqlash qoʻshinlari qoʻmondonligi matbuot xizmati