Harbiy xizmatchilarning oila a’zolari nuroniylarni ziyorat qilishdi

7

Markaziy harbiy okrug qo‘shinlarida xizmat qilayotgan harbiy xizmatchilarning oila a’zolari hamda axborot-resurs markazi xodimlari O‘zbekiston Respublikasi Sog‘liqni saqlash vazirligi huzuridagi tibbiy-ijtimoiy xizmatlar agentligining Samarqand “Saxovat” keksalar va nogironligi bo‘lgan shaxslar internat uyida bo‘lishdi.

U erda harbiy xizmatchilarning oila a’zolari keksalar uchun “Har bir qalbning davosi mehr” shiori ostida bayram tadbiri tashkil etishdi.

Tadbir davomida harbiylarning farzandlari ijrosidagi Ona Vatanni ulug‘lovchi eng sara she’rlar, go‘zal raqslar hamda sahna ko‘rinishlari keksalarni ko‘nglini tog‘dek ko‘tardi.

Tadbir yakunida internat uyidagi keksalar va nogironligi bo‘lgan shaxslar uchun o‘zbek va jahon adabiyoti durdonlari bilan jam bo‘lgan badiiy adabiyotlar taqdim etildi.

Markaziy harbiy okrug matbuot xizmati