ArMI – 2019. “Harbiy-tibbiy estafeta”: Vatandoshlarimiz TAYFUN-K harbiy texnikasini tez va aniq boshqardi

51

10-avgust kuni “Forish” tog‘ poligonida V “Xalqaro armiya o‘yinlari – 2019” doirasiida qizg‘in bellashuvlarni taqozo etayotgan “Harbiy-tibbiy estafeta” tanlovida 11 mamlakat sha’nini himoya qilgan mexanik-haydovchilar TAYFUN-K harbiy texnikasini haydash sharti bo‘yicha mahoratini namoyish etdi.

Unda har bir davlatdan ikki nafardan mexanik-haydovchi startdan finishgacha bo‘lgan harakat davomida mexanik-haydovchilar – To‘siqlarni yengib o‘tishda: “To‘g‘ridan-to‘g‘ri cheklangan o‘tish”, “Tor ko‘prik andozasi”, “Nishablikda to‘xtash joyi”, “Minalashtirilgan hudud”, “Manyovr to‘siqlari maydoni”, “Ustunlar orasidan o‘tish”, “Tankka qarshi to‘siqdan o‘tish” kabi murakkab 7 ta to‘siqqa duch keldi.

Har bir to‘siqdan o‘tish jarayonini hakamlar shaxsiy tarkibi a’zolari nazorat qilib turdi.
Tezkorlik va aniqlik talab etiladigan ushbu shartda O‘zbekiston bayrog‘i ostida bahslarga kirishgan harbiy xizmatchilarimiz mashg‘ulotlarda toblanganini ko‘rsatdi.

Ushbu shart natijalariga ko‘ra, o‘zbekistonlik ishtirokchilar – shartnoma bo‘yicha harbiy xizmatchilar, oddiy askarlar – Xayrullo Olimov (633 ball) va Bahodir Ataxonov (594 ball) birinchi va ikkinchi o‘rinlarni egalladi. Uchinchi o‘ringa qozog‘istonlik ishtirokchi yefreytor Yerlan Jigeldiyev (518 ball) sazavor bo‘ldi.

Mudofaa vazirligi Axborot va ommaviy kommunikatsiyalar departamenti