Jizzax va Samarqandda kuch tuzilmalari hamkorligidagi mashg‘ulotlar o‘tkazildi

72

11–14-iyun kunlari Markaziy harbiy okrukka qarashli Jizzax va Samarqand viloyatlaridagi harbiy qismlarda Qurolli kuchlar tuzilmalari rahbariyati tarkibi bilan hamkorlikdagi mashg’ulotlar o‘tkazildi. Bu haqda Markaziy harbiy okrug matbuot xizmati ma’lum qildi.

Okrug qo‘shinlari qo‘mondonining birinchi o‘rinbosari rahbarligida o‘tkazilgan harbiy o‘quvlarda taktik harakatlarning birinchi va ikkinchi kuni Jizzax viloyatidagi Zomin–Baxmal tumanlarining tog‘li hududlarida amalga oshirildi. Navbatdagi yo‘nalish esa Samarqand viloyati bo‘ldi. Unda Davlat xavfsizlik xizmati Chegara qo‘shinlari, Ichki ishlar va Favqulodda vaziyatlar vazirliklari hamda Milliy gvardiya Jizzax viloyatidagi hududiy boshqarma va bo‘linmalari ishtirok etdi.

Shuningdek, 11–13-iyun kunlari Tayloq shahri aholisi xavfsizligini ta’minlash maqsadida maxsus-taktik o‘quv o‘tkazildi.